عن مجتمع التسويق الرقمي
مجتمع التسويق الرقمي منصة تعليمية عربية مفتوحة، فكرتها بسيطة: المسوّق اللي بيشتغل بالميدان هو أفضل حدا يعلّم غيره.
بدل ما يضل المحتوى التسويقي العربي ترجمات عامة أو نصائح سطحية، هون بيكتب المسوّقون أنفسهم عن تجاربهم الحقيقية: حملات نجحت وحملات فشلت، أدوات جربوها، وطرق اشتغلت معهم بالسوق العربي.
ليش منصة مفتوحة؟
لأن كل مسوّق بيستاهل يكون إله اسم. كل مقال بينشر هون باسم كاتبه، مع صفحته الخاصة وروابط حساباته، عشان يكون جزء من سيرته المهنية ويوصله لعملاء وفرص جديدة.
التفاعل وين؟
النقاش والتفاعل بيصير على قنوات المجتمع بالسوشال ميديا، والموقع هو المكتبة اللي بتجمع المعرفة بشكل منظم وسهل الوصول.
من ورا المنصة؟
المنصة برعاية وكالة كلوفوربي للتسويق الرقمي، وهي مستقلة تحريريًا ومفتوحة لكل المسوّقين.